先送上三首比大家聽

一路聽 一路睇

依一篇係我最後既一篇日記係網上面打啦

由聽日開始會以手寫形式去寫日記

如果有興趣的話可以搵我囉本日記睇下都可以架~

咁樣...就一年啦打左 Blog一年

依幾日我都睇返自己係一年所打既日記

有開心既 有唔開心既

睇返自己既 Blog都發現

自從上年十月開始無踩後

到三月左右先開始踩返

發覺係諗起以前好多開心同唔開心既事

但係都有好多自己係完全唔記得左

真係唔睇都唔記得有咁既事呀!!

一個半月後 7月16日

就要離開香港啦

今晚例會鬆腳之後就同蘇駿回家

踩吐公既時侯 望住廣福村同隔離村既夜景

一幢幢樓 密到唔密 好光

我最唔鐘意望到咁既景物

但係今晚望到 我竟然眼甘甘望住依一個夜景

有好唔捨得既感覺

可能過到去唔會有咁既野睇啦...

其實唔只今晚 前排都開始有一種唔捨得既感覺

對身邊既人 對身邊既事物都唔捨得

人生真係無幾多個十年

諗返起其實自己已經用左一個十年去練習武術

到最後因為脊骨問題無得玩

剛好有幾個 係幾個既機緣巧合同時發生

至轉轉折折咁走左去踩單車

到左上年七月既時侯

決擇的時侯

我選擇左去讀書

明明個陣時我最想做既就係踩單車上全職

但係就行返之前自己想行既路

決擇個陣時 自己最想行既路已經唔係讀書

但係就仍然行讀書條路

不過無論自己想點都好

我已經踏上左一條不歸路 無得回頭架啦

打依一篇Blog之前我諗起蘇駿係大概一年前問我既問題:

『人生存既意義係為左咩呢』

我記得我豪不猶豫地講左個答案出黎

就係 『死』

但係死個陣時

你死得有無價值

人生活得精唔精彩

你應該死得未

如果係重有應做既事未做就點都唔可以死住!!

記得以前重有一件趣事

因為我遺傳km1我媽媽既糖尿病

上年八月個時要去威爾斯到抽血 抽到半死=.=''

當我比個研究生帶左我去 check心跳同血壓既時侯

我嚇親個研究生

佢重以為係量度心跳個d儀器放唔正添

點知放多次都係咁

跟住佢問係唔係高原人

我話 『可能係半個啦,同埋我都有做開運動既~』

我話比我知我個時心跳得三十六!!

呀=.=''...我自己都嚇一跳呀~

返到屋企度多幾次都係呀.......=.="

因為之我細姨細個個時有心漏病

要做手術 但係佢既血型係 -O

係香港係幾乎無人有 -O既血型

之後個醫生就同我阿婆講

你地可能以前同過蒙古人曾經生兒育女

所以先會遺傳左依一個血型

搞到搞左一大輪先有血做手術

證明左 我地可能係混血兒 或者係蒙古人

因為好似蒙古同埋非洲先多

所以可能係蒙古人

依家我最擔心既就係

我遺傳左我阿媽既糖尿病

可能會連血型都遺傳埋

因為我阿媽後期都發現原來佢既升血型都係 -O

如果係既話 有事上黎就真係麻煩啦~最好唔係啦!!

豆豆剛剛去完新彊比賽

總成績第二

聽晚就返到黎

跟著好快就上全職啦

希望聖誕節可以再見啦~好知己!!

唔知打咩好

散收收

...=.=''

最後啦

記得一年前左右

為左去杭州比賽

明知未夠十六歲會唔會唔比出賽

但係我都係賭上依一注

用左一個半月既時間去練車

好好準備最後一場比賽

開開心心咁收山

但係係比賽前既十日

年sir一個電話打黎

初頭都無咩

過左幾日...

自己係到諗

都唔踩啦

點解連個天都唔比我開開心心咁收山呢?

但係係訓練既當中我的確係學到好多野

謹此多謝大家教左咁多野

睇返自己既 Blog都知道係依一年裹面成長左好多

放棄單車都唔可以怨天尤人

因為係自己決定

而且係決擇的時侯我無努力去爭取我自己最想做既事

儘管係有幾多問題都好

自己無努力去爭取就唔好可以怨人!!

依家諗起都好唔甘心

但係我之前係 Blog到都同自己講過

返轉頭就會更加唔甘心

因為出國讀書都係我想做既事!!

或許 我過到去

希望真係可以讀書

忘記一切啦

我相信時間係可以沖淡一切

一年前既事有好多都已經唔記得左

忘記一切啦

迎接新既挑戰

我唔想有第三次失敗

最後:

豆豆:狠狠地走!!

DW:唔好望回頭!!

The end of my cycling life...

尋日從宇教練中得知

豆豆第一場囉到四

唔知今日第二場又會有咩既成績呢?

下午去左游水

肥華練車練到爆哂計

最後都係唔黎 所以就自己一個去游

都係例牌2/km 今次好似快左d 唔洗 1 hour^.^

人生有幾多個十年?最緊要係活得痛快!

聽到依一句 自己都諗一諗

人生其實都唔係有幾多個十年

跟住問左自己一個問題:

究竟我從中有無痛快過?

有!!的確我從中係有痛快過!!

從中的確都係有起有跌

我用左差唔多一個十年 去努力練習令我沉醉既武術

有試過有名次 有試過梗頸四 包尾都有試過

有名次的確係好開心

梗頸四的確係覺得好唔抵

包尾?望住張 list個時真係完全唔相信 重以為係打錯添~

單車?無名次都試過 比賽完成唔到更加係多到數唔哂

但係我一樣從中有努力過 痛快過

近期真係發生左好多事 有喜有悲

自己從中反思一下 的確係令自己放低左執著

近期發生左咁多事

終於都可以令自己真真正正咁放低

因為...

因為我將要用未來差唔多整整一個既十年

去好好完成自己既學業!!